Bilang pagsaulog sang Season of Creation sa bilog nga kalibutan isa ka Misa ang ginpatigayon sang Archdiocese of Capiz sa Libas Fishing Port nga nagpaidalum sa St. Peter the Apostle Mission Station kaina sang aga sa pagpanguna ni Most Reverend Archbiship Victor B. Bendico.
Ini nga Santos nga Misa ginahalad sa aton Mahal nga Diyos nga nagtuga sang kalibutan, selebrasyon nga nagapahanumdom sa tanan sa pag-amlig sa aton dunang-manggad nga regalo niya sa aton.
Ang Season of Creation ginaselebrar indi lamang sa Pilipinas kundi sa bilog nga kalibutan humalin Setyembre 1 tubtob Oktubre 4.
Si Vice Mayor Inday Teresa Almalbis ang nagrepresentar sa akon sa sining importante nga okasyon sa aton simbahan.
-MAYOR RONNIE DADIVAS
