SINADYA na sa Roxas City sa Disyembre 4 tubtob 9.
Isa ka meeting ang ginpatigayon subong nga aga upod ang nagkalain-lain nga sektor kag mga stakeholders nga kaupod naton sa preparasyon sang Sinadya.
Ini nga sinapol ginpangunahan sang aton City Tourism Office Mr. Bryan Mari Argos, Museum Director Cheryl Anne del Rosario, City Administrator Love Usison kaupod si Fr. Dedert Duarte nga nagrepresentar kay Archbishop Victor B.Bendico D.D.
Aton na ginlinyada ang pila sa mga balantayan nga aktibidad sa Sinadya lakip diri ang ginakalangkagan nga pagbukas sang People’s Park and Plaza Lighting ceremonies, Sinadsad, Street Dancing, Tambi Dughan, Drum and Lyre Competition Sinadya Rock Mob, Sinadya Concert Series, Prusisyon sa Suba kag Koronasyon sang Birhen, Sinadya sa Kahawaan Fireworks Display kag madamo pa.
Kit-anay kita kag Ululupod naman nga magkinasadya kag pasidunggan si Birhen Maria sa mas masadya nga Sinadya 2023!
