Pagpabilin sang Katahum kag katinlo sang Roxas City sigurado.
Nagpatigayon kita sang Solid Waste Management Board Meeting subong nga hapon agud makuha ang update sang mga programa agud mamentinar ang katinlo sang aton palibot.
Base sa report ni Mr. Ronald Amigo, ang aton City Environment and Natural Resources Officer, fully operational ang 6 ka mga bag-o dumptrucks nga ginagamit sa madasig nga pagkoleksyon sang basura sa kabarangayan. Nakay-o naman ang Water Treatment Facility sa Sanitary Landfill. Gani, makasigurado kita nga indi makaperwisyo sa pumoluyo ang tubig halin sa landfill. Natambakan naman ang puno na mga Cell 1 sa Landfill kag plano naton nga himuon ini nga EcoPark sa palaabuton.
Makasalig man ang pumoluyo sa pagpabilin nga matahum kag matinlo sang syudad bangud adlaw-adlaw ang pagpanglimpyo sang aton mga Groundskeeper kag Clean-Up Crew. Luwas pa ini sa mga clean up drive sa barangay kag coastal areas nga ila ginapatigayon.
Hugot naman nga ginapatuman ang Smoke Free, Anti-Vaping Ordinance kag Anti-Littering.
Ako nagapasalamat gid sa mga katapo sang CENRO kag Solid Waste Management Board sa kooperasyon kag kahugod sa pagtrabaho agud masiguro nga sa pagbugtaw sang pumoluyo kada aga, matinlo nga syudad ang makita nila.
-MAYOR RONNIE DADIVAS
