Linibo ka pumoluyo sa Barangay ang naghugyaw sa kalipay subong nga adlaw sa pag-abot sang libre nga tig-15 kilos nga bugas para sa ila pamilya.
Masobra 1200 ka taga-Cagay ang aton benepesaryo kag masobra man 1400 ang sa Punta Tabuc.
“Sa kadamuon sang problema subong kag galastuhan, may ara pa gid man pasalamatan. Ginapasalamatan gid namon nga nagpadayon ang pagpanagtag ni Mayor sang libre nga bugas. Mahal-Mahal na gid ang presyo subong, dugangan pa sang Red Tide, daw malugmok na gid ta sa kapigaduhon,” siling sang taga-Cagay.