Aton ginpaidalum sa briefing kag training ang mga katapo sang City Ordinances Regulations Enforcement (CORE) Unit para sa ila panibag-o nga katungdanan.
Kabahin na sila sa team nga magapatigayon sang inspeksyon sa mga establisyemento sa syudad kag magasiguro nga ang tanan nagasunod sa mga pagsulundan kag may nagakaigo nga permit agud maka-operate. Sila ginhanas man sa mga pagsulundan sa pag-issue sang citation tickets.
