Si USWAG Ilonggo Partylist Congressman Jojo Ang naghatag sang dugang nga bulig sa mga nasunugan sa Barangay 7 kag mga pamilya nga nagaistar sa danger zones nga ginsaylo naton sa Tanza Ville pinaagi sa TUPAD (Tulong Pangkabuhayan sa mga Displaced/Disadvantaged Workers) Project sang DOLE.
Pagkatapos sang 10 ka adlaw nga pagtrabaho sa pagtinlo sa palibot, pagtanum kag pagkay-o sang ila kaugalingon nga housing units sa Tanza ginbaton sang 133 tanan ka TUPAD beneficiaries ang ila sweldo.
“Madasig ang amon pagbangon kag madali ang pag-adjust sa bag-o namon nga balay bangud ara kamo nga gabulig kag gaalalay. Hamakan mo na kaugalingon na namon nga balay kag palibot ang ginalimpyuhan kag ginatamnan namon kahoy, may sweldo pa kami,” siling sang isa ka benepesaryo.
