Para sa akon, ang pinakamanami nga investment amo ang investment sa edukasyon, ang investment para sa maayo nga buas-damlag sang aton mga kabataan.
Diri nagatutok ang aton syudad.
Kon sang nagligad, Bag sang Kaalam ang aton ginpanghatag, subong UNIPORME 036 naman para sa masobra 30,000 ka estudyante sa bilog DepEd Roxas City Division. Ang estudyante sa 50 tanan ka Elementary kag Secondary Schools may libre nga uniporme kay gusto naton tanan kumportabli kag palareho ang ila ginasuksok kon mag-eskwela.
Subong nga hapon aton ginpatigayon ang simultaneous distribution sang uniporme sa mga High School Students. Kaupod si DepEd Roxas City Division Superintendent Dr. Roel Bermejo kag iban pa nga DepEd Officials aton ginpangunahan ang masadya nga paghatag sang uniporme sa linibo ka estudyante sang Tanque National High School, si Vice Mayor Inday Teresa Almalbis naman kag former City Councilor Midelo Ocampo ang nagpanguna sang distribusyon sa Inzo Arnaldo Village Integrated School, si City Councilor Herbert Koks Chu sa Congressman Ramon A. Arnaldo High School kag si City Councilor Gary Potato naman sa Roxas City School for Philippine Craftsmen.
-MAYOR RONNIE DADIVAS
