Nangin isa kita sa mga panelist sa ginpatigayon nga Universal Health Care Summit 2023 nga gin-organisar sang Provincial Health Office kag Department of Health agud iplastar ang nangin accomplishment sang probinsya sa implementasyon sang Universal Health Care System. Kaupod naton sa panel discussion sanday LMP-President Mayor Raymond Malapajo, AMHOP-Capiz President Dr. Winfred Rivera kag RMPH Chief of Hospital Dr. Florencio Luching.
Nahatagan kita kahigayunan nga mapabalo ang inisyatibo sang City Government sa pagpasangkad sang UHC sa Roxas City kapareho sang pagkuha sang akreditasyon bilang labing-una nga Primacy Care Facility sa Capiz, pagsiguro sang nagakaigo nga suplay sang essential medicines, pagtukod sang Super Health Station kag madamo pa. Aton man ginpaabot sa ila ang mga Challenge ukon pagpanghangkat nga aton ginaatubang agud matuman ang Universal Health Care.
Saksi man kita sa pagpirmahanay sang MOA sa tunga sang Provincial Government sa pagpanguna ni Governor Fredinel Castro kag Western Visayas Medical Center nga ginpangunahan ni Dr. Joseph Dean-Nicolo bilang Identified Apex Hospital Partner.