Ari gihapon kita sa temporary evacuation center sang mga nasunugan sa Barangay 7.
Matapos naton asikasuhon ang ila nagapanguna nga kinahanglanon labi na ang tulugan kag pagkaon, ikaayong-lawas naman ang aton ginahatagan pagtamod paagi sa aton City Health Office. Sila nagapatigayon sang libre nga check-up sa mga nagalain ang pamatyag kag nagahatag sang libre nga maintenance medicine para sa mga may hypertension/high blood.
Base sa inisyal nga report sang aton CSWDO, naglab-ot sa 96 ka pamilya ukon 377 ka indibidwal ang nadulaan sang puluy-an bangud sa sunog.
Padayon man ang pag-abot sang bulig sa mga biktima kag ini hugot ko gid nga ginapasalamatan.
-MAYOR RONNIE DADIVAS
